Сарыг шажын дээрге ламалар, хелиңнернин чүдүлгези-дир деп, а Дхарманы херек кырында хүн бүрүде чуртталгага ажыглап, ону боттандырарынга өг-бүле амыдыралы таарышпас деп санаттынып турар. Ындыг-даа болза, Будда Бурган Башкы үезинде өөредигни карачал кижилерге үргүлчү сөңнеп, оларның чурттап турар байдалынга дүүштүр тускай сагылдарны берип чораан. Сарыг шажын катап тургустунуп, аажок идекпейлиг хөгжүп эгелээн Россияда хелиңнер институду шоолуг сайзыраңгай эвес болуп турар, боттандырыг кылып турар карачал кижиниң хүн бүрүде амыдыралы-биле холбашкан өөредиглер борта онзагай чугула болур.

Сарыг шажын философиязының амгы үеде бедик мергежилдиг шылгараңгай Башкызы Геше Джампа Тиңлей бодунуң бо номунда өг-бүле амыдыралы биле Дхарманы боттандырарын, катай канчаар ажыглаарынга хамаарыштыр үнелиг сүмелерни берип турар. Номну колдуунда өг-бүлелиг болурунга белеткенип чоруур аныяк болгаш өг-бүлелиг апарган улуска хамаарыштыр бижээн. Сарыг шажынчы философияны, Дхарманың боттандырыын болгаш сарыг шажын культуразын сонуургап чоруур кижилерге бо ном база ажыктыг болуру чугаажок.